جحيم أمرأة بقلم منال كريم

فتح الباب و وشه بيان عليه الغضب و عينه معلقة  على الشنط..

قبل ما حنان تدخل ،قال: اطلعي ل امي الاول يا حماتي ،دي الأصول.

حنان بتعب : يا ابني أمك في التالت ، خليني ارتاح واغير هدومي وبعدين اطلع لها، انا قعدة معكم النهاردة..

حسن: لا ، الأصول تقول تطلعي الأول.

حنان بعصبية: أصول؟ أنت لو تعرف الأصول بجد   تقولي نورتينا يا حماتي، و تفتحلي باب بيتك بدل ما انت مانعني ادخل لبنتي.

حسن ببرود: طبعا نورتي بس دي اصول قبل ما تدخلي لبنتك ،اطلعي ل أمي و كمان تجيبي زيارة ل امي

فتحت بوقها بصدمة و قالت: أمك تستاهل الدنيا كلها، بس انا مش مطلوب مني اجيب ل امك،  انا جيابة زيارة لبنتي و بس،من فلوس ابوها و اخواتها
،و  على فكرة كلامك ده عيب في حقك و يقلل منك و من امك يا ابن الاصول.

حسن: لا مش تقليل دي الأصول و انتوا مش عارفين عنها حاجة

حسن شد الشنط منها و دخل بيها جوة،و انا وراه،قالت بصوت عالي: سارة،يا سارة ..

خرجت سارة و هي طابرة من الفرح و مكنتش سمعت الحوار اللي  دار بين حسن و امها، حضنت امها و قالت : وحشتيني اوي يا ماما،حمد لله على السلامه

حنان بحب: الله يسلمك يا قلب امك عاملة ايه

و هما يسلموا على بعض،اتفاجوا  أن  حسن  بكل وقاحة و بجاحة يفتح الشنط و قسم الحاجات بين سارة و أمه،سالت حنان باستغراب :انت بتعمل ايه يا حسن

حسن :: هكون بعمل ايه يعني بعمل اللي  المفروض كنت انت عملتيه او بنتك قالت لك عليه نص الحاجه دي هيطلع ل امي

حنان بعصبية: و ده في شرع مين يا حسن ،انا جايبة الحاجة ل بنتي،،،،و بنتي لو حبت تدي حماتها  حاجه يبقى كثر خيرها، بس مش فرض عليها و عليا..

حسن: قولتك دي الأصول

حنان: خلي حد غيرك يتكلم عن الأصول

أما عن سارة كانت وافقة على جنب و تعيط و مكسوفة من افعال جوزها.

أما حسن كبر دماغه من كلام حنان و طلع بنص الحاجات ل امه، و حنان رغم غضبها،هديت علشان بنتها اللي منهارة،قربت منها و قالت: بطلي عياط يا سارة

سارة بحزن: انا اسفة يا ماما، حقك عليا

طبطبت حنان على كتفها و قالت: اهدي يا سارة انتي حامل جديد و متفكريش في حاجة.
/((((((
في شقة ام حسن و اللي بيان عليها انها شديدة و متحكمة في ولادها و حسن و أخوه ملهمش راي نهائي