جحيم أمرأة بقلم منال كريم

و هي تشجع نفسها تستحمل علشان ملهاش مكان تروحه، خرج خالد و قال: بقولك يا رحمة، عايز اطلب منك طلب.

رحمة: اتفضل

خالد: معلش يا حبيبتي ،العروسة الجديدة عايزة شوية خصوصية في أول الجواز، و نكون براحتنا

رحمة مفهمتش حاجة،فسألت: و المطلوب مني ايه؟

خالد: تقعدي فترة عند أهلك  ، و يمكن اقدر   أوفر سكن لها و انتي ترجعي شقتك

رحمة: كلمني بصراحة،انتي عايزني أسيب الشقة فترة في الاول و لا على ما توفر لها شقة.

خالد: بصراحة ،هي عايزة تعيش في شقة لوحدها،فأنتي تروحي بيت أهلك على ما اشوف اعمل ايه

صرخت بحزن: اهلي مين اللي اروح عندهم يا خالد ،انا ليا أهل، غير اخويا الوحيد و حاله على قده و مراته مش بتحبني و أنتي عارف كده

خالد بعصبية: و أنا أعمل ايه؟ و بعدين شقة اخوكي دي  تمليك و انتي ليكي  نصيب ورث فيها، روحي و اطلبي حقك فلوس و لا اقعدي عندهم شوية، انا مش هخسر العروسة علشان خاطرك

اتصدمت من الكلمة دي و قالت: و عادي تخسرني أنا بعد السنين دي كلها، انت ازاي بايعيني بسهولة كده، انا كمان نفسي أكون أم ،بس ده أمر الله.

اتكلم بصوت عالي: اخر كلام خدي بعضك و على بيت اخوكي

عيطت بضعف و قالت: بلاش تعمل كده يا خالد ، علشان خاطر كل اللي بينا، عبير مرات اخويا  لو روحت زيارة ساعة بتكون مضايقة و تستخسر فيا كوبية المياة، اوعدك هكون قاعدة في اوضتي و اخرج باذنك و الشقة ليكم طول الوقت، و كمان انا هيبقي مسؤولية عن شغل البيت..

قالت كده و هي حاسة نفسها تدوس على كرامتها بس للاسف معندهش مكان تقعد فيه..

بعد كل كلامها ده و دموعها و ضعفها ،قال كلام يجرح قلبها اكتر  : بطلي أنانية،انا من حقي اكون اب، و انتي مش عارفة تعملي كده يبقي سبيني اشوف حياتي، و احنا مش محتاجين خادمين ..

مسحت دموعها و قالت: حاضر يا خالد ،همشي حتي لو اروح الشارع مش مشكلة ،المهم تكون مبسوط

خالد بكل جبروت: خدي العفش القديم ،علشان اجيب جديد.

فهمت رحمة أن الموضوع مش فترة و هترجع ،هي هتخرح و مش هترجع البيت ده تاني.

دخل هو يفرح اسماء و قرر يوضب الشقة

و هي تجمع حاجتها..

//////////////
تاني خرجت رحمة و هي تودع الشقة اللي عاشت فيها ٦ سنين.

وصلت لبيت اخوها، و فتح عباس و قال: رحمة جاية بدري كده ليه.