جحيم أمرأة بقلم منال كريم

نزلت دموعها و قالت: انا مليش مكان غير هنا.

مسك ايديها و قال: تعالي نتكلم جوة.

دخلت رحمة و حكت ل اخوها و مرات اخوها اللي مش طايقة نفسها.

خلصت كلامها و قال عباس: و لا يهمك يا حبيبتي،ده بيتك انتي ناسية أن ليكي فيه.

قال كده و قصده  يعرف مراته أن رحمة لها في البيت.

بس عبير مفهمتش حاجة و قالت: و هتقعدي فين يا رحمة و البيت كله اوضتنا،اوضة ليا أنا و عباس و اوضة ل الولاد

رحمة بانكسار: حقك عليا يا عبير اني هتقل عليكم بس انا مليش مكان تاني، و أن كان على النوم هنام في أي حتة ،ممكن انام في  الصالة أو المطبخ.

زعق عباس و قال: عبير اقفلي بوقك،رحمة  هتنام في اوضة الولاد.

و بدل ما عبير تفهم و تسكت لا سالت تاني: مشكلة النوم و اتحلت،و المصاريف

عباس: اقفلي بوقك شوية و قومي حضري الفطار

متحركتش من مكانها، و استنت تشوف رحمة هتقول ايه،فقالت رحمة: هشوف شغل علشان انا عارفة الظروف صعب.

طبطب عباس على أيدها و قال بحنان: اوعي تشيلي هم و اخوكي موجودة..

ضحكت غصب عنها و قالت: ربنا يحفظك يا اخويا.

عباس: تسلمي يا قلب اخوكي

و بص على عبير و قال: هنفطر النهاردة و لا لا

قامت بغيظ و قالت: حاضر

عباس: مهما عبير تقول  أو و  تعمل  ،و لا يهمك منها، ده بيتك.

ضحكت و حست براحة أن اخوها جنبها ،قامت غيرت هدومها
///////
في اوضة الاطفال

سالت حور بنت اخو حبيبة ( ٨ سنين) ::انتي هتقعدي معانا يا عمتو.

حبيبة: أيوة يا حبيبتي،مبسوطة اني اقعد معاكي

حور: مبسوطة اوي.

و قرب حمزة منها و قال ( ٩ سنين):انا كمان فرحان انك هتقعدي معانا

حبيبة حضنت الولاد و قالت لنفسها: الحمد لله يارب، العيال دي هما عوض ربنا ليا، معاهم بحس بمشاعر الأمومة.

خرجوا الولاد و هي كلمت نفسها: انا لازم اشوف شغل، علشان شكل خالد هيطلقني، فلازم اخطط حياتي على الأساس ده.
///////
في نفس اليوم بليل

كان خالد في بيت اسماء يطلب ايديها

ابو اسماء: و بنتي هتعيش فين

خالد: في شقتي

ابو اسماء: و مراتك

خالد: سابت البيت و رحت عند اخوه، و انا هجدد الشقة

ابو اسماء: ناوي على ايه معاها

و طلع احساس رحمة صح علشان خالد قال: احتمال كبير أطلقها

و الغريبة ل اسماء اللي كانت قاعدة بتضحك و لا ابوها ،نصحوا خالد  أن بلاش يغدر ب مراته.