جحيم أمرأة بقلم منال كريم

و كملت حبيبة بحماس: احكي حكايتك بقي عندي فضول اعرف

ضحكت سارة بحزن و قالت : اسمعي يا ستي.
////////(
و بنرجع فلاش باك
قبل شهور

في بيت سارة

سألها جوزها: امك جاي بكرة

سارة: أيوة يا حسن

حسن: تيجي بالسلامة ،أما منشوف هتجيب ل امي ايه.

سارة بعصبية: مش واجب على امي تجيب ل أمك، امي بتجمع القرش على القرش علشان تجيب ليا حاجات في بيتي ، على فكرة عيب كلام ده

حسن : و فين العيب في كده، الحاجات دي ترفع راسك قدم اهلي..

و خرج من الشقة ،طلع  عند أمه،

اما سارة كلمت نفسها بعصبية: يعني اعمل ايه علشان خاطرك انت و امك ،انتوا الاتنين صفر كرامة ،صفر اخلاق, بتنكدوا عليا في زيارة امي، منكم لله.
//////((//
في بيت أهل سارة

كانت قاعدة حنان ام سارة و في ايديها ظرف الفلوس  اللي كل واحد من اخوات سارة ساهم بحاجة  علشان حنان تجيب زيارة حلوة ل سارة و

قالت لنفسها: ٢٠٠ من أحمد، و ٢٠٠ من محمد، و من محمود ٤٠٠ و انا وفرت ٢٠٠ج , كده الف جينه،،اللحمة بقت بـ ٤٠٠ جنيه. يبقي أجيب كيلو ،  التفاح غالي اوي، أبدله ب عنب ، و اجيب ايه تاني ،و لازم اوفر فلوس الموصلات دي محافظة تانية و بعيدة عننا  ، بس دي بنتي الوحيدة و لازم افضل ازورها،، يارب قدرني.

و في عز ما حنان تعافر علشان تجيب زيارة لبنتها قد المقام ، جوز بنتها مستني زيارة ل امه كمان..
//////////
تاني يوم

الساعة ٦  الصبح كانت حنان  في الموقف و معها شنطتين كبار. واحدة فيها فراخ  و لحمة ، و التانية فيها  فاكهة وخضار  حلاوة و جبنة، و طبعا الفلوس كانت قليلة علشان كده اشترت بالدين.

٣ ساعات مواصلات ،بس كل ده على قلبها زي العسل علشان هتشوف بنتها الوحيدة على التلات شباب..

بعد معاناة
وصلت البيت، سارة ساكنة في بيت عيلة، و شقتها في الدور الثاني و شقة حماتها في الدور الثالث ،عايشة مع ابنها الصغير و مراته،و حسن جوز سارة الكبير.

قبل ما ايدها توصل للجرس سمعت صوت حسن اللي طالع  على السلم  بيقول : 

“إنتي دخلتي لأمي الأول،علشان تدخلي لبنتك

بصت عليه باستغراب و قالت : مش تسلم عليا الاول، و تشيل مني الشنط،افتح الباب يا ابني اخد نفسي من الطريق،الجو حر و انا ست كبيرة و الشيلة تقيلة.