أمل مابين الحياة والموت بقلم منال كريم
الفصل الثالث و الرابع
:طلقها أو طلقني.
رد بدون تفكير:
_ اطلقها هي طبعا ،أنا بحبك يا أمل بحبك أكتر من نفسي.
: ليه عملت كده طالما بتحبني.
مسك أيدها و قال بندم:
_أمي ضغطت عليا،خلني أقولك اللي حصل.
ردت بحزن:
_مش عايزة أعرف حاجة ،كفاية بقا أنت كسرتني فاهم كسرت قلبي.
ليه عملت كده، طيب كنت قولي، ليه يا حازم ، حرام عليك أنا مليش غيرك، أنت حياتي ، أنت متاكد اأني مقدرش أعيش من غيرك، توجع قلبي علشان عارف أنه متعلق بيك.
كان لسه مسك أيدها بحنان و قال بحزن:
_ بعد الشر على قلبك من الوجع ،قلبك غالي عليا و أنتِ عارفة كده، خلني افهمك علشان خاطر كل لحظة حلوة بينا.
شدت أيدها بغضب و قالت:
_ مش فاكرة اي لحظة غير لحظة ما كنت في حضن واحدة تانية و بترقص على نفس أغنية فرحنا، حتي دي سرقتها مني.
: أمل اسمعني
= لو سمحت أنا بجد تعبانة و عايزة أقعد لوحدي.
كان لسه قاعد على الأرض و قال:
_ مش أتكلم أسكت خالص بس خليني جنبك علشان خاطري خليني جنبك.
بصت بعيد عنه من غير رد.
غمضت عينها و هي تفتكر قبل الفرح بشوية، كانت كل حاجة تمام، لكن دي الدنيا يوم حلو و يوم مر……
:أنتِ لازم تروحي تكشفي.
= يا ماما أنا كويسة.
:يارب ديما، بس لازم نطمن.
= أنا زي القردة قدمك اهو.
:بلاش توجعي قلبي يا أمل و اسمعي الكلام.
فاطمة و أمل قاعدين على الأرض و حواليهم حاجات كتير من جهاز أمل.
فتحت أمل كرتونة و تحط فيها الحاجات و قالت:
_ ماما أنا شايفة أن الجهاز ده كتير اوي عليا.
بصت لها بغضب و قالت:
بلاش تغيري الموضوع.
ابتسمت و قالت:
_أنا بخير يا ماما.
خرجت سمر من المطبخ و هي معها صينية الشاي، و قالت:
_ماما بتكلم صح يا أمل.
زفرت بضيق و قالت:
_يا جماعة التعب ده طبيعي ،الفترة دي مشغولة طول الوقت بسب ترتيبات الفرح و توتر و قلق ،يعني الطبيعي اتعب.
قعدت سمر جنبهم و قالت:
_نطمن يا امولة.
قبل ما تتكلم قالت فاطمة:
_علشان خاطري روحي اكشفي علشان نطمن ،بقالك فترة تعبانة و يغمي عليكِ على طول.
= حاضر يا ماما ،بس لما أخلص ترتيبات الشقة.
سمر: أن شاء الله.
= يلا يا بطة خلينا نخلص.
أخذت كوبية الشاي و قالت:
_أنا مصدعة يا اختي ،أشرب الشاي الاول.
= الشاي أهم مني.
: اه.
فتحت عينها بصدمة و قالت:
