أمل مابين الحياة والموت بقلم منال كريم
الفصل الثالث و الرابع
_كده يا ماما، تصدقي زعلانة منكِ.
مردتش عليها.
قالت سمر:
_كده مش ناقص حاجة صح.
= لا ناقص أهم حاجة.
سمر: ايه هي.
= فرش سرير الاطفال.
ردت فاطمة باعتراض:
_ يا بنتي خلي الفرش لما يبقي في أطفال.
قالت بابتسامة:
_ أن شاء الله يكون في يا ماما، أنا بحب الاطفال اوي، و عايزة اجيب ولدين و بنتين كده قسمة الحق.
طبطت على كتفها و قالت:
_ ربنا يوفقك و يكرمك في حياتك يارب، و يفرح قلبك بالزوج الصالح و من بعده الذرية الصالحة.
رفعت أيدها و هي و سمر و قالوا:
_أمين يارب العالمين.
و كملت هي: أن شاء الله ناوية أفرح العائلتين،اخلف أول بنت تكون إسمها صباح على أسم حماتي حبيبتي و بعدين لو بنت على أسمك يا بطة و لد محمود على أسم الغالي الله يرحمه بابا.
و بدأت تعد على أصابعها و تقول:
ـ و سمر و سماح و عماد و محمد على أسم المرحوم حماي وفاضل حد تاني.
ضحكت سمر و ردت:
_ لا كفاية كده سمعتي عن حاجة اسمها تنظيم الأسرة.
هزت راسها بالرفض و قالت :
ـ لا.
حضنتها فاطمة و كان حاسة بمشاعر متلخبطة ،خايفة بس بتقول ده طبيعي اي أم كده.
مضايقة من أمل أنها تتكلم في موضوع الاولاد قبل الأوان.
قالت بهدوء:
ـ كفاية كلام يا امولة يلا نكمل اللي ورانا.
قضوا الليلة في توضيب حاجات أمل.
في الصباح
رحت أمل مع سمر و فاطمة شقتها اللي في بيت عيلة حازم ،كانت شقتها في الدور اللي فوق
كانوا كلهم في استقبالهم في شقة صباح .
صباح بابتسامة:
_يا مرحبا منورين.
ردت فاطمة بابتسامة:
_بنورك يا ام حازم.
عماد:
_ منورة يا مرات اخوي.
ردت باعتراض:
_ لسه مش مرات أخوك.
بص حازم بغضب من غير رد.
قالت سماح بمزح:
شكل في خناقة جديدة يا امولة.
كمل عماد:
ـ نجيب الفشار و نتفرج بقا.
حازم : بس يا حلو منك ليها.
و بص لي أمل بنفس النظرة
كانت فاطمة مشغولة مع صباح في الكلام عن الفرح.
و سماح قعدت جنب سمر تاخد رأيها في الفستان اللي تلبسه في الفرح
و عماد قام دخل اوضته يفكر في اللي سرقت عقله و قلبه ( نوار)و قرر بعد الفرح يكلم حازم و أمه..
حازم وأمل كانوا قاعدين قصاد بعض و في بينهم مسافة.
بعت أمل رسالة على الواتس : مالك.
بص لرسالة من غير رد.
بعت مرة كمان: و حياتك أمك رد عليا من وقت ما جيت قالب وشك تحب امشي.