ريحانة بقلم منال كريم
الجزء الاول
نجوى : اللهم امين،يسمع من بوقك ربنا.
في الوقت ده وصل رحيم في معاد كل يوم و هو جايب أكل و عصائر علشان محمد و نجوى
رحيم: السلام عليكم ورحمه الله وبركاته
محمد: و عليكم السلام ورحمه الله وبركاته،برضو تعبت نفسك، مش انا قولتك متتعبش نفسك و انا هبلغك لما يسمحوا بالزيارة
رحيم: مقدرش اعدي يوم من غير ما اجي، المهم طميني في جديد
محمد: الحمد لله الدكتور قاللي الحالة مستقرة دلوقتي،بس الزيارة ممنوعة علشان المانعة بتاعتها ضعيفة
رحيم: ربنا يعدي الفترة دي على خير
نجوى: اللهم امين.
رحيم مد أيده بالاكل و قال: يلا كلوا
محمد: انا مش عارف انت ليه بتكلف نفسك ؟؟
رحيم: انتوا اهلي و زي ما قولت و هفضل أقول انا بحب ريحانة و يشرفني اخطبها.
محمد: ربنا يقدم اللي فيه الخير.
//////////
عدت الايام و رحيم يشتغل بنص عقل علشان عقله و قلبه مع ريحانة
في بيت رحيم
وقت الفطار على السفرة
كان قعد رحيم مع ابوه و أمه
ابوه رحيم( فاروق ) : أنت مصمم على قررك
رحيم: أيوة يا بابا ،مصمم انا بحب ريحانة و مش فارق معايا حاجة
ام رحيم بعصبية: سلوى) يعني مش فارق معك أن خطيبها سابها يوم الفرح، يعني الله اعلم اكتشف ايه خله يعمل كده
رحيم: اكتشف انها مريضة و علشان كده سابها يوم الفرح، و لو حد غلطان يبقي هو مش هي
فاروق: حتي لو هصدق السبب ده، انت بمركزك الاجتماعي ليه تتجوز واحدة مريضة.
رحيم: علشان بحبها يا بابا، بحبها
فارق بعصبية: حب ايه و كلام فارغ، الحب ملوش لازمة في الزمان ده
رحيم: لو ملوش لازمة يبقي عند حضرتك بس انا فالحب هو كل حاجه في حياتي
سلوى: و ماله يا حبيبي عيش الحب براحتك بس البنت تكون من مستواك
رحيم: يا ماما مفيش حاجه اسمها كده.
فاروق: ياريتك تفكر كويس ، قبل ما تاخد قررك..
رحيم: انا فكرت كويس يا بابا،و بحب ريحانة بجد و اتمني توافق على الجواز ..
سلوى: ربنا يهديك يا ابني و تشوف واحدة من مستواك..
قام رحيم و سابهم
/////////
بعد اسبوع
في المستشفى
رحيم بسعادة: اخيرا الدكتور سمح بالزيارة ،حمد لله على السلامه يا ريحانة
ريحانة بصوت متعب: الله يسلمك ،و شكرا على كل حاجه عملته
رحيم: أنا معملتش حاجة
محمد: عملت كتير يا رحيم، أنت كنت جنبي طول الوقت
