ريحانة بقلم منال كريم

نجوى: الصراحة حسيت أنك أبني

رحيم: يشرفني أني أكون أبنك، و خلوني اجدد طلبي و أطلب أيد  البشمهندسة ريحانة..

محمد: انا عن نفسي موافق و الراي راي ريحانة

رحيم: و راي حضرتك ايه يا طنط.

نجوى: موافقة طبعا ،ده احنا نتشرف.

رحيم: كده فاضل العروسة، ايه رايك..

ابتسمت ريحانة بخجل و قالت: طالما بابا و ماما موافقين يبقي انا موافقة.

رحيم بسعادة: يا فرج الله اخيرا

نجوى: بس لازم كل حاجه تمشي رسمي

رحيم: اكيد طبعا يا طنط، أن شاء الله اول ما ريحانة تتعافي كل حاجه هتمشي رسمي..

ريحانة: انا الصراحة خايفة ،مش قادرة أصدق أن كل حاجه مشيت بسهولة، يعني ازاي انت حبتني بسرعة كده و الاغراب انا كمان مرتاحة

رحيم: زي ما قولتي الراحة دي معناها أن ده القدر نكون مع بعض
//////
بعد شهور

يوم فرح رحيم و ريحانة

كان فرح أسطوري،و رغم أن فاروق و سلوى مش موافقين على الجوزة بس مفيش في أيديهم حاجة.

في الاوضة الخاصة باالعروسة

كانت ريحانة متوترة علشان رحيم اتاخر شوية و خافت يعمل زي على ،بقت تمشي في الاوضة، و ترن عليه مش بيرد

كلمت نفسها: رد يا رحيم، اوعي تعمل فيا كده ، المرة دي مش هتحمل بجد، يارب أنا مش حمل كسرة قلب تاني.

الباب خبط ، قلبها دق افتكرت هو، قالت: مين

ردت المكيب ارتست: المكيب ارتست ،عايزة اضبط المكيب قبل ما تنزلي

ريحانة : معلش شوية كده

المكيب ارتست: حاضر

تفرك ريحانة في ايديها و قالت : خالص يا ريحانة مكتوب عليكي تعيشي نفس المصير مرتين

يتبع