ريحانة بقلم منال كريم

غيرت هدومها و خرجت تاكل مع اهلها
///////
على السفرة

ريحانة: كنت عايزة اقولكم حاجه

محمد: اتفضلي يا حبيبتي

ريحانة: النهاردة حصلت حاجة غريبة، مدير الشركة طلب مني الجواز

محمد: و انتي ليه شايفة أن طلبه غريب

ريحانة: اصل عارف أني كنت مخطوبة و هتجوز و فرحي اتلغي بسبب اني مريضة و مع ذلك طلب مني الجواز..

نجوى: و انتي فاكرة كل الناس زي الخسيس على

محمد: احنا مش عايزين نتكلم عن حد و خلينا في حالنا.

ريحانة: يعني أنت رايك ايه يا بابا

محمد: خدي وقتك الاول ،لازم تتعافي من العلاقة القديمة قبل ما  تدخلي في علاقة جديدة

نجوى بحماس: انا شايفة لو كويس ، يبقي خير البر عاجلا.

محمد: مفيش حاجه اسمها كده البنت لازم تاخد وقتها

ريحانة: كلام بابا صح يا ماما أنا قولتكم بس علشان تبقوا في الصورة، بس الاهم دلوقتي افكر في صحتي

محمد : كلامك صحيح يا حبيبت بابا و أن شاء الله ربنا يشفيكي.

نجوى: ربنا يشفيكي و يرزقك بابن الحلال.

///////////
تاني يوم في الشركة،،كان في اجتماع و ريحانة متوترة بسبب كلام رحيم و مش عارفة تركز في الشغل.

خلص الاجتماع و بدأ الموظفين يخرجوا، كانت اخر واحدة ريحانة و قال رحيم: بشمهندسة ريحانة ثانية واحدة من فضلك.

عضت ضوفرها و سالت بتوتر: نعم حضرتك

قرب منها خطوة و اتكلم بهدوء: انا مش عايز كلامي امبارح يأثر عليكي ،خليكي طبيعية و بلاش توتر، و اسف لو كنت سبب توترك،أنا بس لقيتها فرصة علشان اعترف بمشاعري، انا بحبك يا ريحانة و طلبي في الجواز منك قائم و المدة مفتوحة لحد ما تبلغني بقررك و أي أن كان هتفهم قرارك

ضحكت و قالت: يعني حضرتك بتقول ان مش قصدك توترني و بتقول كلامك ده، تماما حضرتك  و انا زي ما قولت امبارح حاليا كل تفكيري في صحتي.

رحيم: هكون جنبك في كل خطوة

بصت عليه و الحقيقة هي مبسوطة بتمسكه بيها، بس في نفس الوقت مينفعش تقبل قرر الارتباط و هي لسه في قلبها حب ل علي.
/////////////
بعد شهر

كانت ريحانة بتعمل فحوصات و الدكتور قال: احنا لازم نعمل العملية حالا ،الحالة متأخرة

محمد : و نسبة عملية نجاح العملية ايه؟

الدكتور: ٥٠ في المية

نجوى بخوف: يعني مش مضمونة

الدكتور: كل حاجه بايد ربنا،خلينا نتأمل خير و نقول يارب