ريحانة بقلم منال كريم

محمد: يارب

الدكتور: انتي ساكتة ل ريحانة

ضحكت و قالت: هقول ايه, لا إله إلا الله

الدكتور: محمد رسول الله، متخافيش يا ريحانة

ريحانة: انا عندي ثقة في ربنا ،و أن شاء الله خير.

الدكتور: هتقضي الليلة في المستشفى النهاردة علشان تجهزى للعملية بكرة أن شاء الله

ريحانة: تمام

///////
بعد شوية رجع محمد البيت
و في اوضة المستشفى

قالت ريحانة: نامي يا ماما شوية

نجوى : مش جيالي نوم

ريحانة بابتسامه: ممكن تنامي و متخافيش

نجوى: انا مش خايفة بس مش عايزة انام
،قولي كلمتي الشركة

ريحانة: أيوة كلمتهم و طلبت إجازة مفتوحة

و سندت ريحانة رأسها على السرير و تفكر: يا تري لما رحيم يعرف هيعمل ايه؟ هيجي يزورني و لا مش هيكون مهتم، انا شغالة بالي ليه، المفروض افكر في العملية و بس، ربنا يعديها على خير لو مش علشاني علشان اهلي..

و قامت ريحانة و قالت: ماما هقوم اتوضا و اصلي

نجوى: قومي يا حبيبتي تقبل الله مقدما

ريحانة: منا و منك.

////////
تاني يوم كان اتذع في الشركة خبر أن ريحانة هتعمل عملية، و رحيم قرر يكون معها ،خد ورد و رح عندها.

/////(((
في المستشفي كانت ريحانة تجهز العملية، دخل ابوها و قال: في حد عايز يشوفك قبل ما تدخلي العمليات

ريحانة: على صح

محمد: أيوة علي

ريحانة: خليه يدخل

خرج محمد و دخل على و هو عينه في الأرض ،قالت ريحانة : أرفع عينك يا على.

بص عليها بحزن و قال بندم: أنا اسفة اني كنت جبان

ريحانة: اتخطى الموضوع يا على، اللي حصل ده نصيب، ربنا ما أردش نكمل مع بعض.

على: خايف تكوني زعلانة مني.

ضحكت ريحانة و قالت: أنت خايف اموت و انا زعلانة منك

على حرك رأسه بالنفي و قال: بلاش تقولي كلامك ده بعد الشر عليكي، ريحانة عايزة اطلب منك طلب.

كانت عارفة هو يطلب ايه و مع ذلك قالت: اتفضل

على برجاء: عايز فرصة واحدة، انا فهمت و عرفت اني مقدرش اعيش من غيرك، سامحني يا ريحانة و خلينا نرجع لبعض.

في الوقت ده كان وصل رحيم و الباب مفتوح فا سمع طلب على و خاف ريحانة توفق، بس كان رد ريحانة: مينفعش يا على نكمل مع بعض بعد اللي حصل ،في حاجات انكسرت جوايا و عمرها ما تتصلح، زي ما قولتك تخطى الموضوع و عيش حياتك و متخافش انا مش زعلانة منك

على بندم: انا اسف.