ريحانة بقلم منال كريم

منة: شكله معجب يا جميل

ريحانة: دماغك فاضية اوي يا منة

خلص الفرح و على هيموت و يتكلم مع ريحانة.
بس قرر يعرف عنها كل حاجه..

و بقي يراقبها لحد ما عرف عنها كل حاجه.
/////////
و في يوم بتخرج ريحانة من الشركة، لقت على مستنيها ، عملت نفسها مش شايفة و كملت مشي.

جري وراءها و قال: لو سمحتي يا آنسة انا هاخد منك دقيقة واحدة بس.

اتعصبت ريحانة و قالت: انت غبي ،بتلف وراءي ، عايز مني ايه؟؟

على بدون مقدمات: انا بحبك و عايز اتجوزك

بصت بصدمة و قالت: بتقول ايه،أنت مجنون..

على برجاء: أنا حبيتك من اول نظرة ،اديني فرصة و نتعرف على بعض..

صرخت و هي بتقول: أنت فاكريني مين علشان تفكر فيا أني اتعرف عليك و نخرج مع بعض من غير صفة رسمية..

على بهدوء: انتي فاهمة غلط ،أنا قصدي خطوبة و جواز

ريحانة:طيب لو سمحت أبعد عني علشان انا مش بفكر في الجواز…

و مشيت ريحانة و هو كلم نفسه: هفضل وراكي.
//////////
تاني يوم في بيت ريحانة

دخلت نجوى اوضة ريحانة و قالت: ريحانة في ضيف برة

ريحانة : مين يا ماما؟

نجوى: عريس

نفخت ريحانة بضيق و قالت: عريس تاني يا ماما ،انا مش عايزة اتجوز ،انتي زهقانة  و عايزة تخلصي مني.

نجوى بابتسامه: اسمها عايزة افرح بيكي مش اخلص منك .

ريحانة: تمام يا ماما ،بس أنا كل تفكيري دلوقتي في الشغل.

نجوى: البنت ملهاش غير بيت جوزها.

ريحانة: الكلام الصح ،هي البنت ملهاش غير شغلها.

نجوى: على العموم ، ابوكي بيتكلم معه، و هيسال عليه و نشوف ربنا يسهل.

ريحانة: يارب.
///////
سأل محمد  على (على ) و طلع شاب كويس و مجتهد في شغله و حالته المادية كويسة

و قال محمد كل الكلام ده ل ريحانة اللي قالت: بس يا بابا أنا مش مستعدة للجواز ،كل اللي فارق معي في الوقت الحالي شغلي و بس.

محمد: انا مش هغصب عليكي و مفيش جواز بالغصب بس انا من رأي تشوفيه و تقعدي معه و صلي صلاة استخارة و ربنا يختار لك الصالح..

نجوى: ربنا يكتب لك الخير يا ريحانة يا بنت بطني

ريحانة: تمام يا بابا ، هقعد معه و اشوف الدنيا فيها ايه؟
////////
بعد يومين

في بيت ريحانة

على بسعادة: أنا طاير من الفرحة أنك اخيرا وافقتي عليا.

ريحانة: لا أنا موفقتش على الجواز،أنا وفقت نقعد نتكلم مع بعض.