ريحانة بقلم منال كريم

على : لقيت المسؤولية كبيرة عليا و أنا مش قدها.

ابتسمت بسخرية و قالت: عرفت اني محتاجة عملية كبيرة في القلب و احتمال تأثر عليا ، انا مش ضد قرارك و ده اهون من أنك تكمل معايا، بس كنت اختارت يوم تاني ،مش فضلت ساكت لحد يوم الفرح و تعمل فيا كده، على العموم شكرا يا على…

قفلت ريحانة و هي مقررة تكون اقوى من الماضي و تتخطى اللي حصل..

//////(
تاني يوم الصبح

خرجت ريحانة من اوضتها ،و  سالت امها باستغراب : على فين يا حبيبتي.

ريحانة: على الشركة يا ماما

نجوى: هتخرجي فين بعد اللي حصل؟

ريحانة: و هل اللي حصل يخليني اقفل على نفسي و ابطل اعيش ، لو سمحتي يا ماما ،انا هكمل حياتي بشكل طبيعي..

خرج محمد و قال: سبيها يا نجوى تعمل المناسب ليها، ريحانة مش صغيرة و عارفة مصلحتها، و أنا و انتي هنكون داعمين ليها.

نجوى : ماشي اللي تشوفه.

خرجت ريحانة و هي بتشجع نفسها مهما تسمع كلام سي او جارح من حد مش ها يهمها حاجة..

//(((((///////(/
بعد شوية

وصلت الشركة اللي شغالة فيها و الكل يبص عليها باستغراب ، وصلت مكتبها و هي ماشية بكل ثقة

سالت زميلتها في المكتب: بتعملي ايه يا ريحانة

قعدت ريحانة على مكتبها و قالت: بعمل ايه،جاية اشوف شغلي..

منة: كنتي خدي إجازة كام يوم على ما الموضوع يتنسي.

ريحانة: الموضوع اتنسي أو لا مش فارق معي لاني معملتش حاجة غلط او عيب، انا واحدة كنت مخطوبة و يوم الفرح خطبيبي قرر يهرب من الفرح، دي حاجة مليش فيها…

منة: ربنا ينتقم منه.

ريحانة: غيري الموضوع يا منة و ركزي في الشغل.

//////
في مكتب مدير الشركة

كان بيشوف كل التقرير عن شغل الشركة في اخر تلات شهور

قال رحيم بعصبية: في شغل متاخر كتير ،ايه السبب

مدير أعماله ( انور  ) : التاخير من قسم الانشاءات الهندسية

رحيم: تمام ،اطلبي مدير القسم

انور: بس هي في إجازة

رحيم: إجازة ازاي و احنا مضغوطين

انور : إجازة جواز..

بان عليه الحزن و سال: مين هتجوز البشمهندسة
ريحانة

انور : أيوة يا فندم

حس رحيم بالحزن لانه كان يحب ريحانة بصمت و بسبب كده ضاعت من أيده..

نفخ بضيق و قال: يبقي اطلب مساعدة ريحانة

انور : حاضر يا فندم.

طلب انور  رقم مكتب ريحانة و اتفاجا أنها ردت، قال باستغراب: بشمهندسة ريحانة بتعملي ايه هنا؟ مش المفروض أنتي في إجازة جواز.