ريحانة بقلم منال كريم

ريحانة: محصلش نصيب،و الفرح اتلغى

انور: خير ان شاء الله،تعالي مكتب رحيم باشا

ريحانة: حاضر.

قفل  انور معها،سال رحيم: مش قولت أنها في إجازة

انور : بتقول الفرح اتلغي.

وش رحيم نور و سال :
دي شجاعة اوي أنها تجي تاني و مش خايفة من كلام الناس

انور : الشهادة لله هي قوية و شاطرة في شغلها..

رحيم: ربنا يعوضها خير..

قاطع كلامهم خبط على الباب

انور: اتفضلي يا باشمهندسة

دخلت ريحانة و قالت: صباح الخير

ردوا الاتنين : صباح النور.

ريحانة: نعم يا فندم

رحيم: في تأخير تلات شهور ل تسليم العملاء ،و عرفت أن التأخير من القسم بتاعك.

قعدت ريحانة و قالت: يا فندم التاخير فعلا حصل بس في أسباب تانية.

و بدأت تشرح ريحانة بشكل احترافي و بيان إنها فاهمة في شغلها.

خلصت كلامها و قال رحيم: تمام يبقي من بكرة حضرتك المسؤولة قدمي عن التسليم.

ريحانة: تمام يا فندم.

بعد ما خلص الشغل ، خرجت ريحانة من الشركة على الدكتور اللي متابع حالتها.
/////(((((((
في عيادة الدكتور

الدكتور: كل الفحوصات بتقول أن لازم يكون في تداخل جراحي و العملية ضرورية في حالتك

ريحانة: تمام يا دكتور، و امت العملية

الدكتور: لازم نعمل فحوصات دقيقة و كمان نجهزك للعملية..

ريحانة: تمام يا دكتور ،خير أن شاء الله.

///////((
بعد ما خرجت من عند الدكتور، مشيت في الشارع و هي تفكر في حياتها قبل ما تعرف أنها مريضة قلب…
//////////////
فلاش باك
من سنة
في قاعة أفراح

كانت ريحانة داخلة بسرعة علشان متأخرة على فرح زميلتها في الشركة و هي داخلة من باب القاعة، خبطت في شاب وسيم و طول بعرض و شكله هيبة و كرزيما، و الشخص ده هو على ،اللي قال بهدوء: انا اسف

ريحانة : أنا اللي غلطانة علشان كنت مستعجلة

على بابتسامه : حصل خير ،المهم انك كويسة

ريحانة: انا كويسة ،عن اذنك.

دخلت القاعة و على يبص عليها بإعجاب، لأن ريحانة بنت جميلة

في القاعة

كان على  هو المسؤول عن الفرح يلف حوالينا ريحانة و يحاول يفتح معها كلام، بس هي مش بترد عليه.

منة: أنا ملاحظة أن الشاب ده يلف وراكي.

ريحانة: سيبك منه ،بقولك تجي نبارك و نمشي..

منة: ليه يا بنتي الجو حلو.

ريحانة: انا اتحقنت من الشخص ده، عامل زي خيال الماته..