ريحانة بقلم منال كريم

و خرج من الاوضة ، خبط الباب ،ابتسمت ريحانة لما لقت رحيم اللي قال: سلام عليكم

ريحانة: عليكم السلام ورحمه الله وبركاته

رحيم: الف سلامة عليكي

ريحانة: الله يسلمك، تعبت نفسك ليه

رحيم: تعبك راحه و حبيبت اعرفك أن طلبي زي ما هو و مستعد استناكي العمر

ريحانة: يا عالم أنا هكون موجودة او لا

رحيم: أن شاء الله ربنا يشفيكي و تخرجي من اوضة العمليات بسلامة

ريحانة : يارب ، شكرا أن حضرتك جيت و سبت الشركة و الشغل علشاني

رحيم: علشانك أسيب الدنيا كلها،انا بحبك يا ريحانة و بطلب ايدك للجواز

ابتسمت و قالت: لو ربنا كتب ليا عمر جديد، هنبقي نتكلم

قال بسعادة: أنا اسعد واحد في الدنيا بقررك ده و هستناكي و ثقة في الله هتخرجي بسلامة علشان انتي بطلة

كلامه و وجودها بالنسبة لها كان طاقة امل ،رغم أن علاقتهم مش من كتير بس هو اختارها زي ما هي بمرضها..

دخلت ريحانة العمليات و ابوها و امها و رحيم و كمان على مستنين على آحر من الجمر

كانت نجوى قاعدة قران كريم و محمد يدعو الله بنته تخرج بالسلامة

أما على كلم نفسه: قد ايه أنا شخص وطي ،بعت ريحانة في وقت صعب، المفروض اكون جنبها بس أنا جبان و هربت،و دلوقتي عرفت اني مش قادر أكمل من غيرها، هفضل طول عمري ندمان أني فرطت في ريحانة.

رحيم مش قادر يقعد و حرفيا هيموت من الخوف على ريحانة،و كلم نفسه: أن شاء الله هتقومي بالسلامة يا حبيتي، و هفضل وراكي لحد ما تقبلي تجوزني و اوعدك هتكوني ملكة على عرش قلبي.

و نزل رحيم الجامع اللي في المستشفى يدعي ل ريحانة، و كمان محمد نزل و شافه يدعي من قلبه لريحانة.

بعد ساعات طويلة،خرجت ريحانة من العمليات بس كانت لازم تقعد فترة في العناية المركزة و ممنوع الزيارة.

/////(
بعد أيام

نجوى: و الله انا مستغربة أن رحيم يجي كل يوم و هو عارف أن ممنوع الزيارة

محمد: ما يمكن يجي علشان عارف أن اكيد هنقول ل ريحانة

نجوى: بس انا حاسة أنه بيحبه بجد انت ايه رايك..

محمد: حسيت بكده  يوم  العملية  شوفته يدعي في الجامع من كل قلبه

نجوى: يمكن يكون هو ده العوض ل ريحانة، البت غلبانة و شافت كتير بسبب مرضها و اللى عمله على يوم الفرح

محمد: يارب تقوم بالسلامة و ربنا يكتب لها الخير