ريحانة بقلم منال كريم

في قاعة أفراح

كانت وافقة ريحانة و هي بفستان فرح ، وسط المعازيم و بتسمع  همسات كل الناس اللي يتكلموا عليها ،،ليه العريس مجاش لحد دلوقتي..

ريحانة وافقة و بيان عليها الجمود و القوة و كأن الموضوع مش فارق معها، مع أن قلبها أنكسر باللي حصل،الكل بيتكلم وهي ساكته ومش بترد على حد

قالت بصوت عالي: اظن كفايه كلام لحد كده ،الفرح اتلغى ويلا الكل على بيته، و اي حد عايز يتكلم عليا ،يعمل كده من وراءي علشان لو سمعت اسمي من حد فيكم، هخلي حياته جحيم.

بدأت المعازيم تمشي و ريحانة رفعة راسها لفوق بثقة و غرور، الكل مشي معاد ريحانة و أمها و ابوها و صاحبتها المقربة…

قربت امها منها و قالت بحزن: يلا يا ريحانة نمشي..

ابتسمت ريحانة و قالت: بلاش دموع يا ماما، اللي حصل ده اكيد في خير ليا، انا بس عايزة اساله،هو ليه عمل كده؟؟؟

ابو ريحانة( محمد) مسك أيدها و قال: تعالي نرجع البيت دلوقتي.

مشيت ريحانة معاهم و لسه قادرة تظهر القوة.
////////
في بيت على اللي المفروض كان فرحه النهاردة

قعد و هي بيان عليه الزعل،وقعدت امه جنبه و قالت: أنت عملت كده ليه؟ ازاي ريحانة هانت عليك و تسبيها في يوم زي ده.

على بندم: أنا مش عارف أنا عملت كده ازاي، بس لما عرفت أنها مريضة قلب و محتاجة عملية كبيرة ،خوفت أني اكمل معها و تكون المسؤولية كبيرة عليا..

أم على(سميحة ): غلطان يا على، و كان لازم تفضل معها في الأزمة دي، أنت و هي بتحبه بعض من زمان ، حقها عليك  تفضل جنبها.

على بندم و حزن: اعمل ايه يا ماما مقدرتش ، حسيت الموضوع صعب…

سميحة: ربنا يسامحك يا ابني على اللي عملته في ريحانة..

و قامت و سبته لضميره..
///////////////(
في بيت ابو ريحانة

كانت ريحانة قاعدة في اوضتها و ماسكة الموبايل و تسال نفسها: اتصل اساله ليه عمل فيا كده؟ لو عملت كده هيتفكر أني بطلب منه يرجع لي و انا خالص مش عايزاه في حياتي ، انا بس عايزة اساله ليه يا على عملت كده؟؟؟؟

و هي بتفكر تتصل أو لا ،رن التلفيون و كان على ،خدت نفس و فتحت الخط و هي بتكلم بصوت قوي: ازيك يا على، عامل ايه؟

رد على بصوت حزين: انا مش كويس يا ريحانة، و عارف أنك مش كويسة و بتحاولي تكوني قوية

ريحانة بهدوء: سيبك مني يا على و عندي سؤال واحد ،أنت عملت كده ليه.