أمل ما بين الحياة والمـ.ـوت بقلم منال كريم

لطمت نورا على وشها و تقول:: يا نهار اسود قـ.ـتلت سماح. قعد بعصبية و قال: و أنا أعمل ايه فجأة طلعت قدمي ، الغلط غلطك مش قولتي مفيش حد في البيت. : و كلامي صح أمل و حازم مش في البيت، بس سماح بتعمل ايه عندهم؟ = مش عارف ، المهم نعمل ايه دلوقتي؟ : و لا حاجة ، احنا نهدي شوية و نشوف ايه اللي يحصل، و يمكن أمل تروح فيها و تنعدم و ارتاح منها. = بتحبي أمل اوي أنتِ ضحكت بصوت عالي و قالت: اومال، المهم محدش شافك. = ايوه. في شقة سمر زي العادة متجمعين مع بعض يوم الجمعة. كان حازم و أمل قاعدين في البلكونة لوحدهم. : هتفضلي كتير كده. بصت بعصبية من غير رد.. : يعني ينفع كده. ردت بنبرة حادة: هو أنا كده من غير سبب مثلا، أنا ديما كنت بطلب منك تقف جنب سماح و اقولك أنها غلطت بس خليك جنبها، و لما قولت أنها تجي تقعد عندنا كام يوم فرحت جدا، بس تقولي أن أمي ماتت مقهورة بسبب أمك، وأنهم عملوا ليا سحر و اعمال، و مش بس كده كمان كانوا عايزين يحرقوا وشي بمياة نار و يق\تلوني ، و يتكلموا عليا بالباطل في فرحي كل ده ليه؟ أنا عملت فيهم ايه؟ ازاي في حد بالشر ده؟ و مش بس كده أنت و سمر و محمد خبتوا عليا أن أمي ماتت بسبب كلام أمك، و أن أمك حاولت تق\تل أختي كل ده و عايزني أكون مبسوطة عادي، بص يا حازم طول ما اختك في البيت أنا أقعد هنا لحد ما تغور في داهية لاني مش طايقة اشوف وشها، و أنا اللي هبلة و عبيطة و قلبي طيب، بجد مش أقدر أصدق ازاي يعملوا كده فيا.. قالت كلام كتير و هو مش زعلان منها و شايف عندها حق، بس أنها تقول أقعد هنا و تقرر تسيب البيت ،الجملة وجعت قلبه، قال بحزن: عايزة تسيببي البيت يا أمل؟ = على ما أختك تمشي من البيت. : اهون عليكي تبعدي عني. = لا ، بس أنا زعلانة منك و من سمر انكم خبتوا عليا. جت سمر و قالت: عملنا كده علشان مصلحتك، لما خبيت أنا و محمد في الأول ،خوفنا لو عرفتي حاجة زي كده تبعدي عن حازم و دي حاجة صعبة عليكي في الوقت ده صح. و المرة الثانية لما روحت لصباح حازم خاف تعرفي و تزعلي منه، عملنا كل حاجه علشان خاطرك ،اوعي تقولي أن انا و حازم مش خايفين عليكي و أو كل اللي يهمنا أنتِ.. =أنا مقلتش كده. :بس اسكتي خالص، احنا خايفين عليكِ و أنتِ واقفة عاملة لينا محكمة، عارفة أنا لو مكان الراجل الغلبان ده ،كنت سبتك تتكلمي من غير ما ارد عليكِ. أبتسم و قال: مقدرش اسيبها زعلانة. = بس أنا زعلانة فعلا. : أنا آسف. قبل ما تتكلم رن التليفون،بس للرقم وقال باستغراب: غريبة ده رقم البواب. قالت امل بتوتر: خير أن شاء الله ،افتح يا حازم شوف في ايه؟ فتح الخط، قبل ما يتكلم اتكلم البواب وقال بصوت عالي: الحق يا أستاذ حازم تعال بسرعة البوليس في الشقة. سأل بذعر: بوليس في الشقه ليه ايه اللي حصل؟ رد البواب: مصيبه صاح بصوت عالي :اتكلم بسرعه ايه اللي حصل. : الست أختك مقتولة في الشقة. جمله تقيلة سمعه حس أن توازنه أختل مش قادر يقف، مسك في السور و الايد اللي ماسكه الموبايل بترعش وسال علشان يتاكد : أنت بتقول ايه؟ قفل البواب الخط. بصت أمل بخوف وقالت: في ايه ؟ قال بصوت ضايع : مش عارف بيقول ايه . رفض يقول الجملة و قال : مش عارف :طيب يلا حبيبي نروح نشوف في ايه. مسكت أمل ايده يمكن أول مرة تحس أن هو ضعيف كده ومحتاجها بجد، ومشيت امل مع حازم و معاهم محمد وسمر على الشقة.. اما صباح رغم أنك لما كانت سماح معاها في الشقه كانت مش بتتكلم معاها ولكن دلوقتي حسيت بالوحده ، زي ما بيقولوا تبكي على الاطلال قاعده حزينه وحيدة حست بالغلط بس رافضه تعترف ولسه بتكابر انها كانت صح و اي حاجه تعمليها علشان مصلحه ولادها.. عماد وسلسبيل اتاجل الفرح بسبب وفاه صابرين والنهارده مر ثلاث شهور على وفاة صابرين وتم تحديد الفرح وحجز القاعه بعد اسبوعين. كانوا قاعدين على البحر في جو شاعري و رومانسي. ابتسمت وقالت: أنا بحبك قوي يا عماد بجد حساسة أن أنت عوض ربنا لي. رد عليها بحب: وأنا كمان حاسس أنكِ عوض ربنا لي، وحاسس براحه كبيره لمجرد أني قلتلك كل حاجه عن مشاعري تجاه نورا ،في الماضي، لان لازم العلاقه تكون مبينة على الثقة،عارفه ايه اكثر حاجه تعجبني في علاقه حازم وامل الثقه والوضوح و الصراحة، أنا نفسي تكون علاقتنا زيهم قوية. : أن شاء الله يا حبيبي. = قلبي يا ناس. و كأنا مش مكتوب ليهم الفرحة ، كل ما يحدود معاد الفرح يحصل ظرف يمنع الفرح. وصل حازم مع امل وسمر ومحمد كانت العماره من تحت مليانه أفراد الشرطة و ناس كتير ، كان ماشي بصعوبة شديدة كأنه لسه يتعلم المشي من البداية، كانت امل ماسكه ايده من ناحيه و الناحيه الثانيه محمد ماشي جنبه. وصلوا للشقه قبل ما يدخلوا سأل العسكري: على فين ؟ رد محمد : احنا اصحاب الشقة. : طب اتفضلوا. اول حاجه عينه جت عليها هي الج\ثه المرميه في الارض و متغطيه، كان يردد جوه عقله اكيد دي مش سماح اكيد دي مش اختي سأل الظابط : انتم اصحاب الشقة. رد محمد : حازم صاحب الشقة و عايشة هنا مع مراته. : و أنت مين؟ = أنا جوز أخت مدام الاستاذ حازم. و بدأ الظابط يسأل أسئلة معتادة ، زي كنتوا فين، و بتشكوا في حد. طول الوقت كان حازم ساكت اللي رد هو محمد و أمل بس. و في النهاية تم أخذ ج\ثة سماح إلى الطب الشرعي و هما راحوا القسم علشان التحقيق الرسمي.. : البقاء لله يا استاذ حازم. رد بنبرة حزينة: و نعم بالله. : كنت فين ساعة وقوع الجر\يمة؟ و بدأت الأسئلة المعتادة. في شقه صباح الباب خبط جريت بسرعه وهي مفكره أن سماح رجعت. فتحت الباب وكان حازم ابتسمت وقالت : حمد لله على السلامه اخيرا جيت انت فين كل ده؟ نزلت دموعه و قال: مش عارف كنت فين تعالي معايا يا امي. : احنا هنروح فين؟ = عند سماح ابتسمت و قالت : طيب ثانيه واحده. دخلت تغير هدومها وهو لسه واقف على الباب، خرجت بسرعة مسك ايديها علشان يروحوا الطب الشرعي.. دخل هو وهي المشرحه مكانش لسه قالها حاجه، وقفوا قدام الج\ثة المتغطية ، سالت وهي تبص على حازم: احنا بنعمل ايه هنا؟ شال الغطاء وقال: سلمي على سماح. اول ما الغطاء اتشال صرخت بصوت عالي و هي تقول: سماح، سماح مالك بتعملي ايه يلا عشان نمشي انا عارفه انك زعلانه مني بس خلاص انا سامحتك و هقف جنبك و نبدا من جديد، قومي يا سماح قومي عشان خاطري. حضنها وقال: خالص هي مشيت صرخت وهي ماسكه في هدومه: لا متقولش كده, هي هتقوم دلوقتي وهنرجع البيت وأنت كمان هترجع معايا و عماد كمان. شدها وخرج بره وهي تصرخ و بتنده على سماح. وقعت في الارض وهو قاعد جنبها. كان الكل واقف حزين عشانهم و المشهد صعب. همست امل لمحمد: عماد لسه ما يعرفش لازم نقول له. تولى هو المهمه وقرر يبلغه الخبر، علشان للمرة الثالثة فرحته تكسر بخبر يقسم القلب و الضهر و سافر عماد و سلسبيل. في الوقت ده تم تشريح الج\ثة. مره ثلاث ساعات وحازم قاعد في الارض و أمه في حضنه و هي عاملة تعيط و تقول : سماح، أنا آسفة ،حقك عليا بس ارجعي. وصل عماد و هو يجري وراه سلسبيل ، قابلوا محمد و قال: أن لله و ان اليه راجعون. قال بصوت ضعيف : عايزه اشوفها. مشي محمد معه لحد المشرحة ، وقف هو برة و دخل عماد و دقائق و خرج مقدرش يشوفها ، من اول نظره بص عليها وجري بره، وقاعده على الارض جنب ام من الناحيه الثانيه و مسك أيدها و قال: اكيد كل اللي يحصل ده حلم صح. كانوا الثلاثه منهارين من الحزن، بس هي الاكثر لانها دلوقتي و اخيرا شفت الحقيقة و شفت أنها غلطانة و هي المذنبة في كل اللي حصل. تم تجهيز الج\ثة و راحوا المقابر. بعد الدفن كل الناس مشيت فضلت صباح قاعدة قدام القبر وعماد وحازم معها. وامل ومحمد وسمر و سلسبيل واقفين قريب منهم. قال حازم : يلا يا امي كفايه كده. حركت راسها بالرفض و دموعها تنزل بغزارة ، وقالت: لا مش أمشي و اسيب بنتي. قال عماد: القاعدة ملهاش لازمة. : قلت لا مش امشي، امشوا انتوا. بص حازم ل أمل بمعني أنها تمشي، و قام عماد و قال: أمل ممكن تخلي سلسبيل معكِ النهاردة و بكرة ارجعي إسكندرية. قالت باعتراض : مش ارجع من غيرك. قالت امل: أنا أخدها معي عند سمر لان ممنوع ادخل الشقة على ما التحقيق يخلص ، متخافش عليها.. رجع عماد تاني مكانه، و قال محمد: يلا يا جماعة. أمل : غلط القعدة في المقابر. محمد: طبعا غلط و خصوصا بليل ، يلا كلها شوية و النهار يطلع. مشي محمد والبنات معه، وصلوا البيت نزل هو شقة أمه في الدور اللي تحت و ساب الشقة. مر أسبوع كامل و صباح رافضة تسيب المقابر و عماد و حازم قاعدين معها. و التحقيق كان شاغل. عند نورا كانت تتسول في الشوارع علشان محدش يشك فيها، لكن ابنها تعب ،فرجعت قبل معادها،علشان تلاقي اياد ياخد الدهب و الفلوس و عايز يهرب. سألت : أنت رايح فين؟ رد بتوتر و قال: مفيش المكان هنا مش أمان، اخد الحاجة في مكان تاني. : و فين المكان ده؟ = بعدين يا نورا. حطت الود على الكنبة و قالت بصوت عالي: لا بقا شكلك عايز تهرب بالفلوس لوحدك. رد ببرود: أنا ابدا ، لو كنت عايز كنت هربت من زمان. : طيب قولي فين المكان. زعق بصوت عالي: قولت بعدين. قربت منه و مسكت هدومه و قالت: غور في ستين داهيه بس سيب الحاجة بتاعتي. زقها و قال: الحاجات دي ، أنا اللي سرقتها و عرضت حياتي للخطر. : و أنا اللي خططت لكل حاجه. = بقولك ايه مش عايز صداع ، ابعدي عن وشي احسن لك، كان يوم اسود يوم ما قابلتك و شوفتك أنا مش طايقك و لا طايق الود المش،وه ده. قالت بجبروت:طالع مش،وه ليك ،هيجيبه من بره. ضربها بالقلم بقوة، ردت القلم ليه. صرخ بغضب شديد و مسكها من شعرها و خبط رأسها في الحائط ، كانت على قد ما تقدر تبعده عنها،لحد ما قدرت تبعده و جريت جبت الس\كينة و ضربته بيها اكتر من مرة. كل ده و الطفل يعيط، صرخت فيه: اسكت ،اسكت مش عايزة اسمع صوتك. و الطفل مستمر و يزيد في العياط، حطت أيدها على فمه علشان تمنعه من العياط، و ارتاح الطفل المسكين و مات،ت.. و هي فتحت الغاز علشان تحرق البيت بلي فيه. و للحديث بقية أن شاء الله كده فاضل فصلين و نودع ابطالنا الحلوين بكرة الجمعة و السبت ودول إجازة لكن لو التفاعل كان حلو ممكن انزل رايكم يا حلوين ♥️ ♥️ 🫸تعالي يا جميلة ❤️ فين الايك و التعليق الجميل 🥰🥰🥰 #أمل #مابين_الحياة_والموت #الفصل_الرابع_وعشرون #روايات_بقلم_منال_كريم ❤️❤️❤️❤️❤️❤️ سبحان الله وبحمده سبحان الله العظيم استغفر الله العظيم و اتوب اليه لا اله الا الله وحده لا شريك له له الملك وله الحمد وهو على كل شيء قدير لا حول ولا قوه الا بالله العلي العظيم لا اله الا انت سبحانك اني كنت من الظالمين حسبي الله عليه توكلت وهو رب العرش العظيم اللهم احفظ مصر وشعبها وارضها من كل سوء اللهم انصر فلسطين والسودان وكل البلاد العربيه والاسلاميه ♥️♥️♥️♥️♥️ فتحت نورا الغاز و قررت تمحي آثر زوجها و أبنها و تهرب بالفلوس، مسكت الولعة و قبل ما تضغط عليها خبط الباب ، بصت بخوف على الجثث، و كتمت نفسها و كأن محدش هنا. خبط صاحب البيت بقوة و قال: أنا عارف أنكم جوة و مش عايزين تفتحوا ، عايز الايجار المتاخر . محدش رد، صاح بصوت عالى أكتر: افتحوا بدل ما اكسر الباب عليكم. قفلت الغاز بسرعة و فتحت الشباك لان نفسها اتكم من الريحة. صاحب البيت شم رائحة الغاز و قال: ليكون مش هنا بجد و الغاز مفتوح، هيولعوا في البيت ولاد المجا،نين. كسر الباب ، كانت وافقة و مسكة السك،ينة في أيدها ، بص على آياد اللي غرقان في د،مه بفزع و رعب. جريت ناحيته لكن قفل الباب بسرعة، و لأن الباب مكسور مش مقفول، كان مسكه بصعوبة شديدة و هي تشد من جوة. طلع التلفيون ،طلب رقم عامل عنده و قال: هات الرجالة و أطلع فوق السطوح بسرعة. قفل معه و رن على الشرطة. سابت الباب لما فقدت الامل ، و بقت تدور تهرب ازاي ، لكن مفيش مفر للهروب ، مفيش غير شباك واحد و ده يطل على الشارع و هي في الدور العاشر. قعدت بقلة حيلة...... أمل و سلسبيل مع بعض في نفس الاوضة. تنهدت بحزن و قالت: أنا قلبي وجعني على حازم و نفسي أكون معه. حطت التلفيون بإحباط ، بعد ما فقدت الامل أن عماد يرد عليها، و قالت: طيب نعمل ايه ؟ محدش فيهم بيرد علينا : فكرة أنهم حاليا الساعة واحدة بليل في المقابر و كمان بقالهم أسبوع على كده حاجة ترعب. = طنط صباح رفضت ترجع، و الغفير حذرهم من كده و هي مصممة تفضل هناك، اكيد مينفعش حازم و عماد يسبوها لوحدها. : طبعا، طيب أنتِ شايفة نعمل ايه نروح ليهم؟ = مش عارفه يا أمل. فردت جسمها على السرير و شدت الغطاء عليها و قالت بتعب: حاسة اني تعبانة ، انام شوية. سألت بخوف: أنتِ كويسة ، أقول سمر تجيب دكتور ابتسمت ابتسامه مكسورة و متعبة و قالت: مش كفاية حازم و سمر أنتِ كمان تخافي عليا من اي حاجة. قالت بهدوء: أنتِ بطلة يا أمل ، المرض ده وحش اوي. : الحمد لله ، أنا كويسة ،هنام شوية، لو عماد رد عليكي ، خلي يقول لحازم يكلمني. و غمضت عيونها قبل رد من سلسبيل.. تتاؤب و قالت: أنا كمان انام شوية.. في المقابر. صباح تخبط على القبر وتقول بصوت عالي: سماح, سماح افتحي أنا ماما أنا جيت. مسك حازم و عماد ايديها بصعوبه اللي بتخبط بيها وقال عماد : يا ماما حرام عليكِ كده، القاعدة هنا غلط. صرخت بصوت عالي: ابعدوا عني، ابعدوا عني، أنتم مين؟ أنا ما اعرفش حد فيكم ابعدوا عني ،أنا عايزه اولادي يا سماح يا حازم يا عماد. نزلت دموع حازم و قال: احنا ولادك يا ماما أنا حازم وده عماد وسماح في حته أحسن من هنا بس يلا يا ماما كفايه كده الغفير حذرني يطلب الشرطه لو فاضلنا هنا. شدت ايديها منهم ونامت على الارض وقالت : أنا هفضل هنا جنب بنتي مش امشي من هنا. بصوا لبعض بقله حيله،من أسبوع على الحال ده رافضه تمشي وتنام هنا و هما لا يمكن يسيبوها لوحدها، لكن اكتر من شيخ حذرهم من كده، و كمان الغفير هددهم يطلب البوليس. رن تلفيون حازم، مفكرش يبص فيه، فهو من يوم الوفاة مش بيرد على حد و عماد زيه. تتكرر الرنين اكتر من مرة على غير العادة لأن اي حد يرن مرة واحدة بس. طلع التلفيون من جيبه، بص في الرقم و قال: الظابط. قال عماد: رد بسرعة. فتح الخط: نعم يا فندم. سكت يسمع كلامه شوية و بعدين قال: مسكتوا القاتل. قامت بسرعة و هي تجري ، و هما وراءها. بعد شويه وصلوا القسم في غرفة الظابط. سألت بدموع: مين اللي ق\تل بنتي؟ الظابط: اهدي يا حاجة لو سمحتي ،اتفضلي اقعدي. قعدت صباح على الكنبه و ولادها جنبها، كل واحد مسك أيد و كأنهم يقولها احنا جنبك و عمرنا ما نسيبك. دقائق و الباب خبط، و دخلت نورا، و لكن بكل جمود مفيش خوف و مفيش ندم و لا دمعة واحدة نزلت. اتصدموا و سأل حازم: هي؟ الظابط: ايوه هي العقل المدبر و جوزها اللي نفذ. قام عماد لف أيده على رقبتها بغضب و قال: أنتِ شيط،انية، ازاي كنت مخدوع فيكي كده، ايه الجبروت ده يا شيخة. قرب العسكري و بعدوا عنها و هي كانت تبسم ابتسامة مستفزة. بصت لحازم و قالت: و أنت مش عايز تقول حاجة. رد ببرود شديد: اه عايز اقول، شوفي بعد كل اللي عملتي علشان تفرقي بيني و بين أمل، من محاولة ق\تل و سحر و اعمال و سرقة ، لسه بحبه و لسه مراتي و هتفضل كده لحد اخر يوم في عمري. كانت عايزة تستفزه لكن هو اللي استفزها. سأل عماد: ممكن يا فندم نعرف ايه اللي حصل. الظابط: الحقيقة المتهمة كانت مطيعة جدا و اعترفت بسهولة. و قال لهم على كل الجرائم اللي عملتها و آخرها ق\تل جوزها و ابنها. حرك حازم رأسه بالنفي و قال: أنتِ مش إنسانة ، ت\قتلي ابنك و في غيرك يتمني ضفر عيل، حسبي الله ونعم الوكيل فيكي. كل ده صباح قاعده ساكته بتسمع بس لحد ما بصيت لها وسالت : ليه يا نورا ق\تلت سماح؟ ردت بهدوء شديد : من غير قصد يا خالتي هي اللي كانت موجوده هناك في الوقت الغلط، أنا كان غرضي سرقه بس كنت عارفه أن حازم و أمل يكونوا عند سمر في الوقت ده. رد حازم: عايزة تسرق بيتي و أنا عطفت عليكي بمبلغ كبير. : مش عايزة عطف، عايزة حقي. خبط كف على كف و قال: حقك ، ايه هو حقك، ملكيش عندي حق و لا عمر كان ليكي عندي حق. : لا ليا حق عندك ، و العز اللي أمل عايشة فيا من حقي. = عارفة معنديش كلام غير الآية الكريمة بسم الله الرحمن الرحيم خَتَمَ ٱللَّهُ عَلَىٰ قُلُوبِهِمۡ وَعَلَىٰ سَمۡعِهِمۡۖ وَعَلَىٰۤ أَبۡصَـٰرِهِمۡ غِشَـٰوَةࣱۖ وَلَهُمۡ عَذَابٌ عَظِیمࣱ ﴿٧} سورة البقرة كمل عماد: عندك حق في كلامك ، عملت ذنب وراء و مع كثرة الذنوب خدت مانعة ضد الذنب، ربنا ينتقم منك ،حسبي الله و نعم الوكيل فيكِ. مشي حازم و عماد عند صباح، كل واحد مسك أيد و قال حازم: يلا يا ماما نمشي. مشيت معهم بصمت لحد ما وفقت قدم نورا وسالت تاني : ليه يا نورا ق\تلتي سماح؟ زفرت بضيق و قالت: بقولك ايه يا باشا رجعني الحبس احسن.. الظابط: يا عسكري رجعها الحجز ، أتحركت نورا علشان تمشي، لكن صباح شدت أيدها من ولادها و مسكت أيد نورا و كررت نفس السؤال و هي تصرخ. و الغريب نورا كانت بتضحك و مبسوطة و هي شايفة حالة خالتها كده.. خدها العسكري و مشيت. في نفس الوقت موبايل حازم مش مبطل رن و كانت أمل اللي مش عارفة تنام و عايزة تطمن عليه. باس حازم راسها و قال بحزن: سيبك منها دي واحدة مجنونة. كمل عماد: يلا يا ماما نمشي. خرجوا من القسم على البيت بصعوبة كبيرة لأن صباح عايزة ترجع المقابر. خرجت من الاوضة و هي بتعيط، خبطت على سمر مردتش ، دخلت الاوضة لان محمد مش موجود ، قعدت على السرير جنبها و قالت بدموع: سمر، سمر قومي. قامت مفزوعة و اتكلمت بخوف: في ايه ؟ أنتِ تعبانة. حركت رأسها بالرفض و قالت : لا. مسحت دموعها و سألت: اومال يا قلبي. زادت في العياط و قالت: تخيلي حازم مكلمنيش و لا مرة من يوم وفاة سماح، و كل ما ارن عليه مش بيرد، هو ممكن يكون زعلان مني؟ مسكت رأسها و خلتها تنام على رجليها و تمشي أيدها على شعرها بحنان و قالت بهدوء: الله يسامحك يا امولة وقعتي قلبي في رجلي، حازم يزعل منك ليه ، هو ظروفه صعبة دلوقتي. : مش مبرر ،يعني مش فاضي دقيقة واحدة يرد عليا علشان أسمع صوته. = يمكن مش فاضي الدقيقة دي، حالة صباح شكلها صعبة كان بيان عليها يوم وفاة سماح. : لا هو زعلان مني، يمكن علشان قبلها كنت بقولها مش ارجع البيت الا لما اختك تغور في ستين داهية، يفتكر اني كده داعت عليها. = بطلي عياط و اهدي ، أنتِ هبلة عمرك ما تزعلي من حد و لا تدعي على حد، كنتي عملتي حاجة مع نورا اللي دفنتك صاحية، صدقني هو مش فاضي يرد، بدليل عماد مش بيرد على سلسبيل. : أنا غيرها و هو عارف كده، عارف أني من غيره و غيرك بكون ضايعة ، أنا فاهمة و حاسة بيا و كان نفسي اكون جنبه زي ما هو ديما جنبي ، بس هو يبعد عني ليه. = اهدي و بطلي عياط، و كلامك صح لازم تقفي جنبه و تعرفي أن اللي حصل مش شوية ، و المصائب تنزل عليه زي المطر، لازم تكوني جنبه. قامت من على رجليها و قالت: أنا عايزة كده ، هو اللي مش عايز ، مش فاضي دقيقة يكلمني. و عيطت بانهيار لأنه بالنسبة لها مش مجرد زوج ، و هو كل حاجة لها في الدنيا، من غيره تحس بالضياع، و اسبوع كامل مش عارفه تسمع صوته. خدتها في حضنها و قالت: اقولك حاجة خدي سلسبيل بكرة أن شاء الله و روحوا البيت و اطمنوا على حماتك. في بيت صباح جابوا دكتور و قال لازم تروح مصحة أمراض نفسية. و خدت حقنة منومة و نامت.. قاعدين في الصالة كل واحد على كنبه سأل عماد: هنعمل ايه ؟ : في ايه؟ = نسمع كلام الدكتور . : مش عارف ، بس اكيد لو رحت مستشفى تتعب اكتر. = أنا بقول كده برضو، بص أنا أطلب نقلي للقاهرة تاني و اعيش معها هنا. : و الشقة اللي جهزت هناك و سلسبيل و احتمال يرفضوا نقلك اصل مش لعب عيال. = لو رافضوا النقل اسيب الشركة خالص، و سلسبيل لها حرية الاختيار أنا وافقت في البدايه لما قالت نعيش في اسكندرية لأنها مرتبطة بيها، بس حاليا أمي اهم من اي حاجة. : شوف موضوع النقل و كمان أسأل سلسبيل على رأيها، و بالنسبة لماما أنا قررت أعيش هنا معها. = و أمل. : مالها؟ = هتوافق تعيش هنا بعد كل اللي حصل. : اكيد هتوافق أمل قلبها طيب = و لو رفضت. : هيكون اختيارها ، بس أنا أعيش تحت راجل أمي، و مهما عملت فين هي أم و لازم نشيلها على رأسنا. = تصدق كنت فاكر نفسي زعلان منها اوي ،بس أول ما شوفت حالتها كده قلبي يتقطع عليها. : ربنا يشفيها و يرحم سماح و خالتي و ينتقم من نورا. = اللهم امين ، بقولك يلا تنام شوية قبل ما ماما تصحى. في الصباح واقفين أمل و سلسبيل قدم بيت صباح و مكسوفين يطلعوا. : على فكرة أنتِ بقالك سنين متجوزة و حازم جوزك يعني المفروض تشجعني. = قولتلك هي مرة اللي جيت فيها هنا من يوم الجواز ، و بعدين ما عماد جوزك. : لا كتب كتاب بس تفرق. = يعني هنفضل واقفين كده ، احنا جينا نطمن على حماتنا و أزواجنا ، وراي يا بنتي طلعت أمل و سلسبيل وراءها. في البيت كانت صباح في اوضة سماح و حرفيا فقدت عقلها، عاملة تدور عليها تحت السرير و في الدولاب و تحت السجادة و رمت كل الهدوم على الأرض و تدور عليها، و هي تقول : سماح ، سماح كفاية لعب أنا تعبت. و هما مش قادرين يسيطروا عليها. خبط الباب ، قال حازم: شوفوا مين أقفل باب الاوضة وراءك. خرج عماد و بص في العين السحرية و رجع قال: أمل و سلسبيل. أخذ نفس عميق و قال: افتح لهم بس متكلمش كتير معاهم ، خليهم يمشوا على طول، بلاش حد يشوف أمك في الحالة دي، حتي لو كانت أمل اقرب ليا من روحي مش عايزها تشوف أمي كده.. كانوا زهقوا من الخبط و تأكدوا أن حازم و عماد مش عايزينهم... و اتحركوا علشان يمشوا، لكن الباب اتفتح و قال بصوت متوتر: على فين؟ لفت بسرعة و رمت نفسها في حضنه و هي بتقول : وحشتني اوي يا عماد، عامل ايه يا حبيبي؟ طبطب على ضهرها بهدوء و قال: الحمدلله، اتفضلوا. أمل: ازيك يا عماد : الحمد لله. دخل عماد وهما وراءه و كان يدعو الله ،انهما يمشوا. قعدوا و قال هو: عاملين ايه. ردت سلسبيل: الحمد لله بخير ، انتوا عاملين ايه ؟ و طنط عاملة ايه؟ : الحمد لله ، مرجعتيش اسكندرية ليه. حست بالاحراج و قالت: قولت اطمن عليك ،بس ارجع النهاردة. كذبت عليه ، كانت ناوية تفضل جنبه، أما هو بص في الساعة و قال بسرعة: كويس يلا بقا علشان توصلي قبل الليل. ابتسمت بحزن و قالت: حاضر امشي، بس على فكرة الساعة ٢ الظهر و الطريق بالكتير ٣ ساعات بس حاضر امشي. و خرجت سلسبيل بسرعة ، بصت امل عليها و بعدين عماد، و عيونها تدور عليها. قال عماد: أمل روحي وراءها و فهميها قصدي. حركت رأسها بنعم و هي أصل مش فاهمة حاجة ، و قبل ما تسال على حازم ،كان عماد قام و خرج على باب الشقة ، تصرف صريح أنها وجودها غير مرغوب فيه... خرجت بخجل و كسوف و نزلت درجة سلم و بصت لعماد اللي كان هيفقل الباب، و قالت برجاء: لو سمحت يا عماد عايزة اشوف حازم حتي لو ثانية واحدة. دخل عماد و دقيقة و خرج حازم، بصت عليها بحزن خسر كتير من وزنه ، ذقنه طويلة بيان عليه الهم و الحزن و التعب، قربت منه بهدوء و حضتنه من غير كلام ، كانت تطبط على ضهره بهدوء ، أما هو أيده جنبه ، مفكرش يحضنها. بعدت عنه و مسكت أيده الاتنين و لفتهم حول خصرها و رجعت حضتنه. أبتسم إبتسامة بسيطة لأنها تعمل كده لما يكون زعلان منها و رفض يحضنها. مرت دقائق و هي نفسها الوقت يقف هنا حتي هو، لكن بعدت عنه، وقفت على طرطيفها و طبعت قبلة على جبينها، و بعدين مسكت أيده و طبعت قبلة عليه، و أتحركت من غير اي كلام مش شرط الكلام هو اللي يعبر لأن احيانا يكون الإنسان مش قادر يسمع أو حتي يتكلم. الحضن اللي ممكن يكون بسيط ، كان اعتراف منها أنها جنبه و تدعمه. قبلة الجبين تعبر عن الحب والتقدير. قبلة اليد تعبر عن الاحترام. هي اكتر حد عارف أن حازم مش في حالته الطبيعية، صدمة وراء صدمة و كل صدمة اكبر من اللي قبلها ، بداية من اللي حصل لسماح و أن هو عقيم و هي عارفة يعني حد يشعر بالنقص ، و حتي لو مش بيحب نورا لكن ضحكت عليها ، و ثقته كراجل اتهزت، و موت سماح و اكيد حالة صباح مش كويسة و ده بيان عليه هو و عماد ، و غير أن طول عمره عايش كأنه يتيم من غير أهل و ده بسبها علشان اختارها هي. محدش يحس بيه قدها و حتي لو زعلانة منه ده مش وقت زعل. اللي عملتها كان لها تأثير السحر عليه، أخذ طاقة كبيرة منها. اما وصلت نص السلم ، بصت عليه و قالت: عارف المثل الشعبي اللي يقول لأجل الورد يستقي العلق. حرك رأسه بنعم ، كملت هي: و علشان خاطرك يا اجمل حاجه في حياتي، أنا مسامحة ماما صباح و سماح، مش زعلانة منهم ، و مفيش في قلبي اي حاجه ، و ادعو ربي يرحم سماح و يبرد قلب ماما عليها.. نزل بسرعة و حضنها و رفعها من على الأرض و قال: بحبك ، بحبك كل يوم تثبتي ليا أنك تستحقي ابيع الدنيا علشانك. ضربته على ضهره و قالت بعصبية مختلطة بدموع: ابقي ارد عليا أنا كنت أتجنن الأيام اللي فاتت. قال بندم : أنا آسف حقك عليا. اما سلسبيل وافقة قدم البيت مستنية أمل و هي تبكي، رن التلفيون وكان عماد،فتحت الخط بدون كلام، و هو كمان دقائق صمت تقيلة عليهم الاتنين هو غلط فيها و شبه طردها، و مش بيرد عليها، المفروض يقدر ظروفها و أنها اكيد حزينة و خائفة بسبب تأجيل الفرح اكتر من مرة. و أخيراً أتكلم و قال بصوت مخنوق: أنا آسف. ردت بدموع: أنا مش زعلانة منك، و مقدر موقفك ، المهم أني اطمن عليك. تنهيدة طويلة خرجت منه و قال: تعبان اوي يا حبيبتي. : ربنا معك و يهون عليك يا حبيبي. = خليكي جنبي و بلاش تزعلي مني و كل حاجة تهون. : أنا جنبك و عمري ما اسيبك. قالت أمل: أنا ماشية محتاج حاجة. سند مقدمه رأسه على رأسها و قال بهمس: محتاجك أنتِ ، مش محتاج غيرك. لفت أيدها على رقبته و قالت بابتسامة: أنا معك يا حبيبي. أخذ نفس عميق و قال: ماما تعبانة و مهما حصل هي أمي و مينفعش تفضل لوحدها. قبل ما يكمل كلامه ،قالت هي: حزومي اي قرار تاخده أنا موافقة عليه يا حبيبي. ضمها بحب و حس أن هم كبير انزح من على قلبه ، كان خائف ترفض بسبب اللي حصل من صباح. : موافقة طبعا يا حبيبي.. = قال بسعادة : بجد يا سلسبيل ، فكري كويس. : من غير ما أفكر الاهم عندي هو أنت، صحيح أنا مرتبطة با اسكندرية و على أمل اخويا يرجع لكن أنت الاهم. قال بحزن: و اسف مش نقدر نعمل فرح. : مش مشكلة الفرح الحقيقي أننا مع بعض. تنهد بحب ثم قال: أنا بحبك اوي يا سلسبيل. ابتسمت و قالت: أنا بحبك أكتر. مر خمس شهور تم الحكم على نورا بالاعد،ام شن,قا أمل و حازم عاشوا مع صباح في شقتها. أما سلسبيل و عماد تم نقلهم في فرع القاهرة،و عاشوا في الشقة اللي كانت فيها نورا. حالة صباح تسوء اكتر و اكتر.. و يعتبر المسؤولة عنها هي امل لأن حازم و عماد و سلسبيل يكونوا في الشغل. لكن أمل تعيش اسوء أيام حياتها. كانت وافقة في المطبخ تحضر الاكل، سمعت صوت صباح تقول: سماح ، سماح. طفت الغاز و قالت: استغفر الله العظيم يارب. خرجت من المطبخ و قالت: نعم يا ماما. سألت: فين سماح؟ : بتجيب حاجة من برة. مسكت أيدها و قالت: تعالي اقعدي علشان تاخدي العلاج. مدت ايديها التانية و خربشت أيد أمل جامد، لدرجة أنها جابت دم.. صرخت بألم و قالت: : ليه كده. قالت بصوت عالي: علشان أنتِ كاذبة ، سماح ماتت و أنتِ السبب؟ عقدت حاجبيها بتعجب و قالت : أنا السبب؟ لا السبب هي أنتِ و نورا، مش أنا خالص، ربنا كبير و عادل، حاولتي كتير تؤذني و حتي من غير ما أعرف و ربنا نجاني منكم ومن الشر اللي في قلوبكم. اتكلمت صباح: هي فين سماح؟ أنتِ مين؟ ابتسمت بسخرية و قالت: بقولك ايه أنا متأكدة أنك كويسة و مش مجنونة و اللي معرفتش تعملي و أنتِ عاقلة ،قررتي تعملي و أنتِ تمثلي الجنون نفسك حازم يبعد عني. قامت مشيت في الشقة و هي تمثل الجنون، أما أمل دخلت المطبخ.. في المساء كانوا قاعدين الأربعة على السفرة. سأل حازم: أمي تعبتك النهاردة ؟ ابتسمت و قالت: ابدا ، ماما صباح دي نسمة. سلسبيل: أنا آسفة يا أمل لأني مش بقدر اساعد في شغل البيت. : عادي مفيش حاجه. خلصوا أكل و دخلت أمل تشطب المطبخ. في اوضة حازم. كان هو نايم على السرير ، و هي تصلي قيام الليل. خلصت صلاة و قعدت على السرير و قالت: أنا بيتي وحشني اوي. شدها لحضنه و قال بابتسامة: البيت بس طيب و أنا. قالت باستهزاء : أنت معي اهو. داعب أنفها و قال: مالك يا امولة شكلك زعلانة. قامت قعدت و قالت بعصبية: أنت مش شايف اللي أحنا فيا، تخيل أننا عايشين في نفس المكان لكن زي الأغراب. قام قعد قصادها و قال بحب: حقك عليا أنا عارفة فعلا أني بعدت عنك، لكن غصب عني أمي مش كويسة ، أنا عارفة من حقك تزعلي و أنا كمان زعلان بس. قبل ما يكمل قالت: من غير بس قوم روح ل أمك لأنها وصلت. بص ناحية الباب ،كان خيال أمه وراء الباب و تحاول تفتح باب الاوضة. قالت بعصبية: لو الباب مش مقفول بالمفتاح كانت دخلت من غير استأذن. قام من على السرير و قال: هي مش طبيعيه يا أمل. فتح الباب، و قال بهدوء: نعم يا ماما. قالت بنبرة مرتعشة: بدور على سماح. قال بهدوء: تعالي يا حبيبتي ندور سوء. خدها و رح ناحية اوضتها. بصت صباح على أمل نظرة انتصار. قالت بعصبية: هي مش طبيعيه يا أمل ، أنت اللي مش طبيعي يا حازم ، أنا عايزة أفهم في ايه، الست دي تصرفاتها قدم الكل كأنها مجنونة ،قدمي أنا ست العاقلين و تستغل الفرصة و تضربني بغل،لما يكون تاخد علاج يخليها تنام لحد الصبح، يوميا تعمل نفس الحوار علشان تاخد حازم ينام معها، مش بتعمل كده الصبح ليه، الا لو ده هدفها تبعد حازم عني، و فعلا من وقت ما جيت هنا ، خمس شهور و أنا في عذب منها و أنا و حازم كانا اغراب عن بعض. خدت الموبايل و بصت لصورة بسمة و قالت بحزن: و أنتِ كمان سافرتي عند أهل ابوكي في وقت غلط ، وحشتني اوي يا بسمة. نامت زي كل ليلة و هي تعيط.. و تمر الأيام و مفيش جديد بالنسبة لكل شايفين أن كل حاجة طبيعي و مفيش مشاكل، غير أمل اللي حياتها جحيم في البيت في ده. قاعدة على السرير و عيونها على الباب و ترتعش من الخوف. حازم بلغ أمل أن يتأخر في الشغل، و عماد و سلسبيل في شقتهم و هي و صباح لوحدهم في البيت. صباح تحاول تفتح الباب بكل قوتها، و أمل تموت من الرعب، مسكت التلفيون و رنت على حازم و كان الموبايل مقفول. و رنت على عماد و سلسبيل مفيش رد لانهم نايمين و عاملين التلفيون صامت. ملقتش قدمها غير سمر، ردت من اول رنة بخوف: مالك يا حبيبتي ترني في الوقت المتاخر ده ليه؟ قالت بصوت واطي علشان صباح متسمعش: الحقني يا سمر صباح عايزة تق\تلني و أنا لوحدي في البيت، قفل الباب عليا و هي تحاول تكسره، الحقني أنا خائفة. قامت بسرعة و هي تصرخ : يا نهار ابوها اسود، متخافيش يا قلبي أنا جاية مسافة السكة و اطلب البوليس. قام محمد على صوتها سأل : في ايه ؟ صرخت بصوت عالي: انزل جهز العربية بسرعة اختي في خطر. من غير يسأل نزل جري كان لبس بنطلون و تشيرت بنص كم ، و هي لبست عباية سمرة و طرحة بسرعة و نزلت وراءه. في العربية طلبت البوليس: الحقني يا باشا أختي حماتها عايزة تق\تلها. في البيت أمل فتحت الموبايل علشان تصور فيديو ،لانها متأكدة محدش يصدقها.. صباح مسكة س\كينة و مصممة تق\تل أمل، بعد كل اللي حصل شايفة أن دخولها حياتهم هو سبب كل المشاكل، صرخت بصوت عالي: _ افتحي يا أمل أنا مستنية الفرصة دي من شهور ، دلوقتي أنا و أنتِ لوحدنا ، و الكل عارف أني مجنونة يعني مش اخد فيكي يوم واحد، و أخد طار بنتي منك. قالت بدموع: حرام عليكي أنتم ظلموتني و أنا بقلبي الغبي و الطيب قررت اسامح, أنا اللي ليا طار عندك مش أنتِ.. ضحكت بصوت عالي و قالت: _ عندك حق أنتِ فعلا غبية صدقتي أني مجنونه وإني فقدت عقلي كل اللي انا عملته ده كان خطه يا امل خطه عشان اوصل للحظه دي عارفه ان مهما عملت حازم مش هيقدر يسيبني وهيفضل جنبي، و يطلب منك تعيشوا هنا ،وقد كان وأنتِ لأنك هبله صدقتي و قبلتي ، أحسن حاجه مفرحني أنك عايشة خدامه ليا، عندك حق يا امل لما قلتي اني كويسة و بعمل كل ده عشان افرق بينك وبين حازم فعلا من شهور وأنتِ وحازم عايشين زي الاغراب طول النهار هو في الشغل وانت هنا تخدميني وبالليل اخده منك اللي انا ما عرفتش اعمله وأنا عاقلة ،عملته و أنا مجنونة، ودلوقتي خلاص الكيل طفخ لازم اق\تلتك عشان ارتاح. صرخت بدموع و هي تقول: عارفه مين اللي صعبان عليا هو حازم اللي المفروض ابنك اللي بالرغم من كل حاجة عملتيها مقدرش يبعد عنك في ظروفك دي، وكان تحت رجليك أنتِ عامية عن الحق، اللي ق\تلت سماح هي نورا مش أنا، نورا خلفيتك في الشر و الحمد لله خدتت عقابها ،عقبالك يارب، ربنا كبير و عادل و مش يظلم عباده ولا يرضى بالظلم و أنا مظلومة و بقول يارب.. كل ده كانت امل قاعده على السرير و بتترعش ومش قادره تسيطر على خوفها، وصباح بكل غل بتحاول تكسر في الباب اللي مقفول بالمفتاح. صرخت وهي بتقول : افتحي يا امل أحسن لك، افتحي الباب. ردت عليها: حسبي الله ونعم الوكيل فيكِ، حسبي الله ونعم الوكيل فيكِ، مش مسامحاك مش مسامحاك على كل حاجة عملتيها فيا ، منك لله. واخيرا الباب اتكسر وقع قلبها في رجليها وفضلت قاعده مكانها مش قادره تقوم من مكانها،حتى لو قامت هتهرب فين ضحكت صباح بصوت عالي و ماشيه بخطوات ثابته ناحيه امل وهي رافعه الس\كينه في وشها وقالت ابتسامه: _ اخيرا أخد طار بنتي وارتاح منك يا أمل، عمري ما كرهت حد قد ما كرهتك كنت عايشه مبسوطه انا واولادي ما كانش حد فيهم يقدر يخرج عن طوعي لحد ما ظهرتي في حياتنا سرقت ابني مني أنتِ حراميه و قاتلة وأنا لازم انتقم منكِ. غمضت عينيها وهي بتردد: اشهد أن لا اله الا الله واشهد ان محمد رسول الله. وصلت الشرطه وكسر الباب ودخلوا كانت صباح واقفه قدام امل بالظبط ورفع الس،كينه مستعده انها تضربها. وامل مغمضه عيونها وتنطق الشهادتين قال الظابط بصوت عالي: ابعدي عنها. لكن هي ما اهتمتش وشايفه انها تاخد براءه لأنها مجنونة، فعلا رفعت الس\كينه وضربت امل في كتفها،صرخت امل بصوت عالي، تزامنا مع طلقه خرجت من م\سدس الظابط استقرت في ظهر صباح. و للحديث بقية قولت مش بنزل سبت و جمعة لكن نزلت علشان اللي يفرحوني بتعليقاتكم الجميلة بلاش تستخسروا الايك و التعليق يفرق معي كده أن شاء الله فاضل فصل واحد رايكم يا حلوين في الأحداث شايفين في مماطلة أو ممل♥️ من وجهه نظركم هل حازم غلط أنه طلب من أمل تعيش معه في بيت أمه و أمل غلطت أنها قبلت و كمان قررت تسامح و تقبل و هي مريضة تتحمل مسؤولية البيت و صباح لوحدها .. 🫸تعالي يا جميلة ❤️ فين الايك و التعليق الجميل و بلاش تنسي متابعة للصفحة علشان عيلتنا تكبر 🥰🥰🥰 #أمل #مابين_الحياة_والموت #الفصل_الخامس_وعشرون #روايات_بقلم_منال_كريم ❤️❤️❤️❤️❤️❤️ سبحان الله وبحمده سبحان الله العظيم استغفر الله العظيم و اتوب اليه لا اله الا الله وحده لا شريك له له الملك وله الحمد وهو على كل شيء قدير لا حول ولا قوه الا بالله العلي العظيم لا اله الا انت سبحانك اني كنت من الظالمين حسبي الله عليه توكلت وهو رب العرش العظيم اللهم احفظ مصر وشعبها وارضها من كل سوء اللهم انصر فلسطين والسودان وكل البلاد العربيه والاسلاميه ♥️♥️♥️♥️♥️

أمل ما بين الحياة والمـ.ـوت بقلم منال كريم

الفصل ٢٤ و٢٥

اترك تعليقاً إلغاء الرد

مقالات ذات صلة

رجعت من الجيش ٢صافى هانى

وصلت البيت

اجازه سعيده بقلم اماني السيد

رواية كاملة

حكايات اماني السيد ١

بعد تلات ايام

اترك تعليقاً إلغاء الرد